նախընտրելի դարձնելՕրերս ոստիկանության Տարոնի բաժին էր դիմել 44-ամյա Գայանե Շ.-ն եւ հաղորդում տվել, որ Վանաձորի Մյասնիկյան փողոցում գտնվող իր տաղավարից, պատուհանը հրել-բացելով, գողացել են 120.000 դրամ ընդհանուր արժողության տարբեր տեսակի զարդեր, ժամացույցներ, մատանիներ, բրելոկներ, ինչպես նաեւ 23.000 դրամ կանխիկ գումար:
Ոստիկանության ծառայողները, գողությունը կատարելու կասկածանքով, բերման են ենթարկել 18-ամյա Անուշավան Մ.-ին եւ 21-ամյա Լենտրուշ Ա.-ին:
Ոստիկանության մամուլի ծառայությունից հայտնում են, որ Անուշավան Մ.-ի մոտից հայտնաբերվել է ձեռքի 2 ժամացույց, 3 մատանի, 1 կրակայրիչ, իսկ Լենտրուշ Ա.-ի մոտից` 2 մատանի:
Ըստ նրանց հայտարարության` նշված իրերը փետրվարի 18-ին, ժամը 03.00-ի սահմաններում, Անուշավան Մ.-ն գողացել է Մյասնիկյան փողոցի տաղավարից:
Փաստի կապակցությամբ քննչական բաժնում ՀՀ քրեական օրենսգրքի 177 հոդվածի 2-րդ մասի 3-րդ կետի հատկանիշներով հարուցվել է քրեական գործ:
Փետրվարի 19-ին Անուշավան Մ.-ն ձերբակալվել է:
Կատարվում է նախաքննություն:
