նախընտրելի դարձնելՎաշխառությունը Հայաստանում դարձել է թալանելու արվեստ, ստեղծվել է կաստա , որի մեջ խառնված են նոտարներ, դատավորներ, բանկի աշխատակիցներ, ոստիկանության աշխատակիցներ: Այս մասին այսօր՝ փետրվարի 21-ին, լրագրողների հետ հանդիպմանն ասաց «Վելես» իրավապաշտպան ՀԿ նախագահ Մարինա Պողոսյանը:
«Մենք գտնվում ենք տնտեսապես շատ ծանր վիճակում: Վաշխառությունն էլ տզրուկի պես սնվում է մեր ծանր տնտեսական վիճակից: Խնդիրը անհատ վաշխառուներն են, որոնք գործում են երկրում ծանր սոցիալական վիճակի մեջ գտնվող մարդկանց շնորհիվ»,- ասաց Մարիա Պողոսյանը:
Փաստաբան Գեղամ Սիմոնյանի խոսքով՝ այսօր վաշխառուների գործունեւության զոհերը օրեցօր շատանում են, եւ իրենք պայքարում են այդ մարդկանց քրեական պատասխանատվության ենթարկելու համար:
«Ես այժմ զբաղվում եմ Գայանե Թումասյանի շահերի ներկայացմամբ: Նա մի կին է, որ դառնալով հանագամանքների զոհ՝ մնացել է առանց տանիքի: Նրա ամուսինը՝ Մուսաբեկ Սամվելյանը, ոմն Հովհաննես Երիցյանից տոկոսով գումար է վերցրել՝ գրավ դնելով տունը: Սակայն վաշխառուն, որը երբեք գրավի կամ փոխառության պայմանագիր չի կնքում, պնդել է, որպեսզի ձեւակերպվի տան առուվաճառքի գործարք: Մեկ տարի անց հայտնվել է այդ մարդը, ներկայացրել տան սեփականության վկայականը, եւ տնից դուր հրավիրել»,- պատմեց Գեղամ Սիմոնյանը
Փաստաբանի խոսքով, տան առուվաճառքի պայմանգիրը կնքելիս ապօրինի գործողություններ են կատարվել:
«Գործարքը կնքել են նոտար Նոնա Գասպարյանի մոտ: Պայմանագիրը կնքել է վաշխառու Հովհաննես Երիցյանի աշխատակից Վահե Վարդանյանը, ում լիազորագիր է տվել տան համասեփականատեր Մուսաբեկ Թումասյանը: Տունը չէր կարող վաճառվել առանց համասեփականատեր Գայանե Թումասյանի համաձայնության, այդ պատճառով Վահե Վարդանյանը հայտարարություն է տվել, որ Մուսաբեկ Սամվելյանը ամուսնացած չէ, այսինքն միակ սեփականատերն է: Սակայն նոտարը չպետք է վավերացներ այդ պայմանագիրը»,- դեպքի մանրամասները պատմեց փաստաբան Սիմոնյանը:
Իրավապաշտպան կազմակերպության նախագահ Մարինա Պողոսյանի խոսքով, վաշխառուն սովորաբար իր թիմի մեջ ունի նոտար, որն ապօրինի գործարքներ է կնքում:
«Վաշխառուների հետ համագործակցում են նաեւ բանկի աշխատակիցներ: Օրինակ ՝ «Կոնվերս» բանկի խոշոր բանկային մասնագետ Գինոսյան Վարդանը: Նրանք գցում են մարդկանց վաշխառուի ճանկը»,- տեղեկացրեց Մարինա Պողոսյանը:
