նախընտրելի դարձնելԻշեմիկ ինսուլտի ախտորոշմամբ «Նաիրի» բժշկական կենտրոն տեղափոխված հաղորդավար Համլետ Ղուշչյանն արդեն դուրս է գրվել:
Այս մասին NEWS.am-ի թղթակցի հետ զրույցում ասաց Առողջապահության նախարարության գլխավոր անեսթեզիոլոգ-ռեանիմատոլոգ, «Նաիրի» ԲԿ վերակենդանացման բաժանմունքի վարիչ Անատոլի Գնունին:
Նա նշեց, որ որոշ ժամանակ բուժում ստանալուց հետո հաղորդավարը դուրս է գրվել հիվանդանոցից: Նրա առողջական վիճակը լավ է:
Ավելի վաղ NEWS.am-ը հայտնել էր, որ հիվանդանոց է տեղափոխվել հաղորդավար Համլետ Ղուշչյանը: Վերջինս մեկնել էր Ջերմուկ հանգստանալու, սակայն ինքնազգացողությունը վատացել էր, տեղափոխել էին հիվանդանոց: Նրա մոտ խրոնիկական հիվանդությունների ֆոնի վրա՝ շաքարային դիաբետ, շողացող առիթմիա, ուղեղի արյան շրջանառության սուր խանգարում կա:
