նախընտրելի դարձնելՌԴ Պետդումայում օրինագիծ է ներկայացվել, որով առաջարկվում է Ուկրաինայի ազգությամբ ռուս քաղաքացիներին ՌԴ քաղաքացիություն տրամադրել պարզեցված կարգով: Համապատասխան օրինագծի հեղինակն է ՌԼԴԿ առաջնորդ Իլյա Դրոզդովը:
Փաստաթուղթը փոփոխություններ է նախատեսում «ՌԴ քաղաքացիության մասին» օրենքում: Հիմնավորման մեջ նշվում է, որ փոփոխությունները նախատեսված են «Ուկրաինայի ազգությամբ ռուս քաղաքացիներին եւ նրանց ընտանիքի անդամներին ՌԴ քաղաքացիություն տրամադրելը պարզեցնելու համար, եթե վերջիններիս նախնիները ազգությամբ ռուս են եղել»:
Ըստ պատգամավորի` Ուկրաինայում կատարվող իրադարձությունների կապակցությամբ «առաջիկայում ՌԴ տարածք հնարավոր է Ուկրաինայի քաղաքացիների հսկայական հոսք` փախստականի կարգավիճակ տրամադրելու խնդրանքով»: Դրոզդովը պնդում է, որ բացի դրանից, «Ուկրաինայի իշխանությունները չկարողացան ապահովել իրենց պետության քաղաքացիների, այդ թվում նաեւ ռուս բնակչության անվտանգությունը` ազգայնական երեւույթների սրվելու պատճառով», հայտնում է ԻՏԱՌ-ՏԱՍՍ-ը:
