նախընտրելի դարձնելԹուրքիայի ֆոտոթղթակիցների միության կողմից կազմակերպված «Տարվա լավագույն լուսանկարներ» մրցույթում հաղթող լուսանկարների մեջ է հայտնի լուսանկարիչ Ալի Իհսան Օզթուրքի կողմից արված Վանի Բերկրիի ջրվեժի լուսանկարը։
Թուրքիայում «Տարվա լավագույ լուսանկարներ» մրցույթին մասնակցել են 4 հազար 381 լուսանկար։ Մրցույթի ամփոփումից հետո ժյուրին հայտնել է, որ 6 անվանակարգերում մրցանակ են ստացել 22 լուսանկար։
«Հատուկ մրցանակ» պարգեւին է արժանացել հայտնի լուսանկարիչ Ալի Իհսան Օզթուրքը կողմից գիշերով արված Վանի Բերկրիի ջրվեժի լուսանկարը։ Լուսանկարիչն աշխատել է Canon 5D Mark 3 լուսանկարչական ապարատով։ Նա հրաշք կադրը ստանալու համար գործի է անցել երեկոյան 19։30-ին եւ միայն 02։30-ից մինչեւ 03։30-ը ընկած մեկ ժամվա մեջ արել հիշյալ կադրը։
Canon 5D Mark 3-ի հատուկ հնարավորությունների շնորհիվ կարողացել է մեկ ժամ լուսանկարում անել, որի արդյունքում ստացված կադրում շատ պարզ տեսնում ենք աստղերի շարժը՝ իրենց հետագծերով։
Նշենք, որ Բերկրիի ջրվեժը (ներկայում անվանվում է Մուրադիյե) գտնվում է Բերկրի գետի վրա, որն իր հերթին սկիզբ է առնում Թոնդրակ լեռից, հոսում Վասպուրականի լեռներին զուգահեռ, անցնելով 65 կմ տարածություն եւ թափվում Վանա լիճը։ Բերկրիի ջրվեժը գտնվում է Վան քաղաքից 90 կմ հեռավորության վրա։
