նախընտրելի դարձնել«Կին առաջնորդ» համակարգող խորհուրդը իր մտահոգությունն է հայտնում Հայաստանի Հանրապետությունում կուտակային կենսաթոշակի համակարգին անցնելու պարտադրանքի կապակցությամբ:
Խորհրդի տարածած հայտարարության մեջ, մասնավորապես, ասվում է.
«Ուզում ենք հիշեցնել, որ այդ նախագիծը միաժամանակ խախտում է Հայաստանի Հանրապետության կողմից որդեգրած երեք հիմնարար սկզբունքները.
առաջինը`սոցիալական համերաշխության սկզբունքը, համաձայն որի ոչ թե ամեն մեկը պետք է միայն իր մասին մտածի, այլ նպաստի հանրային բարիքի ստեղծմանը,
երկրորդ` խախտվում է ազգային ինքնավարության սկզբունքը, քանի որ հասարակության գումարները ի պահ են տրվում ոչ թե Հայաստանի պետությանը, այլ օտարերկրյա կազմակերպություններին,
երրորդ` ոտնահարվում են մարդու իրավունքները` զրկելով նրան սեփական գումարները սեփական հայեցողությամբ տնօրինելու իրավունքից:
Պահանջում ենք հարգել Հայաստանի Հանրապետության Անկախության հռչակագիրը, Սահմանադրությունը եւ քաղաքացիների իրավունքները:
Կոչ ենք անում հրաժարվել այդ հակասոցիալական, ապազգային եւ մարդու իրավունքները անտեսող նախաձեռնությունից»:
