նախընտրելի դարձնելԵգիպտոսի դատարանը մահապատժի է դատապարտել ծայրահեղական խմբավորման 26 անդամի: Նրանք մեղավոր են ճանաչվել Սուեզի ջրանցքով անցնող արտասահմանյան նավերի վրա ահաբեկչական հարձակումներ կազմակերպելու մեջ, հայտնում է ԻՏԱՌ-ՏԱՍՍ-ը՝ վկայակոչելով Եգիպտոսի լրատվամիջոցները:
Հաղորդվում է, որ ծայրահեղականներին ահաբեկչական բջիջ ստեղծելու, երկրի ինքնիշխանության եւ անվտանգության նկատմամբ ոտնձգություն կատարելու մեղադրանք են ներկայացրել:
Ըստ Եգիպտոսի օրենքների՝ բոլոր մահապատիժները պարտադիր կարգով ներկայացվում են երկրի հոգեւոր առաջնորդին, որը կամ հավանություն է տալիս դրանց, կամ էլ համաներման վերաբերյալ վճիռ կայացնում: Սպասվում է, վերջնական վճիռը կկայացվի մեկ ամիս անց:
