նախընտրելի դարձնելԳերմանիայի նախկին նախագահ Քրիստիան Վուլֆը արդարացվել է Հանովեր քաղաքի դատարանի կողմից` 2003-2010թթ. Ներքին Սաքսոնիա դաշնային տարածքի վարչապետ եղած ժամանակ ծառայողական դիրքը չարաշահելու գործով: Համապատասխան վճիռը կայացրել է դատավոր Ֆրանկ Ռոզենովը:
Հաղորդվում է, որ ավելի վաղ դատախազությունը քննել էր օրենքի խախտումը, որը վերաբերում էր նախկին նախագահի եւ նրա գործարար եւ կինոպրոդյուսեր ընկեր Դավիթ Գրենեվոլդի հետ կապին:
Ըստ մեղադրող կողմի վարկածի` 2008թ. ձեռնարկատերը Վուլֆի եւ նրա նախկին կնոջ` Բետինայի փոխարեն 510 եվրո էր վճարել Մյունխենի հյուրանոցի սենյակի համար, հայտնում է ԻՏԱՌ-ՏԱՍՍ-ը:
Սակայն, ըստ մեղադրող կողմի, նման ծառայությունը շահադիտական նպատակներով էր արվել: Հայտնի է, որ որոշ ժամանակ անց պետական պաշտոնյան աջակցել էր Գրենեվոլդի նախագծերից մեկին: Այդպիսով, իբր օգտագործել էին վարչական ռեսուրսը:
Դատավարությունը սկսվել էր նոյեմբերի կեսերից եւ դարձել բացառիկ Գերմանիայի համար, քանի որ առաջին անգամ ամբաստանյալի աթոռին էր հայտնվել երկրի նախագահը:
Նշվում է, որ հենց բարեկեցիկ քաղաքացիների հետ ունեցած բարեկամական կապերն էին դարձել Վուլֆի վրա հասարակայնության եւ լրատվամիջոցների կողմից ճնշման պատճառը, որոնց հետեւանքով նախագահը 2012թ. սկզբին հրաժարական էր տվել:
