նախընտրելի դարձնելՄինչ օրս սումգայիթյան ոճրագործությունը իրավական գնահատական չի ստացել: Այս մասին, այսօր՝ փետրվարի 28-ին, Ստեփանակերտի հուշահամալիրում սումգայիթյան ջարդերի զոհերի հիշատակը հարգելուց հետո լրագրողների հետ զրույցում ասել է ԼՂՀ ԱԳ նախարար Կարեն Միրզոյանը:
«Մենք համոզված ենք, որ նման ոճրագործություն իրականացնողները վաղ թե ուշ կստանան իրենց արժանի պատիժն ու գնահատականը»,-ասել է նա՝ հավելելով, որ Սումգայիթյան ողբերգության անպատժելիությունը ճանապարհ հարթեց ոչ միայն նոր հանցագործությունների, նոր կոտորածների, այլ նաեւ նորանկախ Լեռնային Ղարաբաղի Հանրապետության դեմ Ադրբեջանի լայնամասշտաբ ռազմական ագրեսիայի ձեռնարկման համար:
