ՆախընտրելիՀայաստանում ոչ ոք հենց այնպես գազ չի օգտագործում: Այդ մասին փետրվարի 28-ին Երեւանում Եվրասիական փորձագիտական խմբի «Գազի հարցը հայկական տնտեսության համար» կլոր սեղանի ընթացքում հայտարարել է «ՀայՌուսգազարդ» ՓԲԸ-ի փոխտնօրեն Կարեն Մովսիսյանը՝ պատասխանելով NEWS.am-ի թղթակցի հարցերին Հայաստանում գոյություն ունեցող սակագնային համակարգի էներգաարդյունավետության մասին:
«Մենք հանձնաժողովի հետ հասարակական ծառայությունների կարգավորման համար սակագների տարբեր տեսակներ ենք քննարկել, սակայն ամենանպատակահարմար համարվում է ներկայիս սխեման: Ինչ վերաբերում է գազի օգտագործման խնդրին ցածր սակագնի համար, ապա նման բան վերջին անգամ լսել եմ յոթ տարի առաջ: Վերջին ժամանակներում նման երեւույթի հետ չենք բախվել»,- ընդգծել է Մովսիսյանը:
Նշենք, որ գործող սակագների համաձայն 10 հազար խորանարդ մետրից ավել կամ պակաս գազն արժե 378 դոլար եւ 277 դոլար: Արդյունքում 7328 խորանարդ գազը բարձր սակագնով նույն արժեքն ունի, ինչպես որ 10 հազարը ցածր սակագնով: Հետեւաբար, անցնելով 7328-ից, ավելի ձեռնտու է գազն անօգուտ ծախսել ու անցնել 10000-ի սահմանը՝ այդ կերպ անցնելով նաեւ ավելի էժան սակագնի:
