նախընտրելի դարձնելՎոլոգդայում ռուսական Բարեկենդանի տոնակատարությունների շրջանակում կթխեն Ռուսաստանի ամենամեծ նրբաբլիթը` 200 կգ քաշով: Այս մասին հայտնում է «Ինտերֆաքսը»` վկայակոչելով Վոլոգդայի ղեկավարության մամուլի ծառայությանը:
Նշվում է, որ նրբաբլիթը պատրաստելու են 1,4 հազար նրբաբլիթներից` չորս տարբեր միջուկներով: Նրբաբլիթի տրամագիծը կլինի 3 մ, եւ այն կդառնա ամենամեծը Ռուսաստանում:
«Նրբաբլիթը պատրաստվելու է Վոլոգդայի բնական սննդամթերքներից: Այն թխելու են տեղի չորս արտադրամասերը: Ռուսաստանում այդպիսի մեծ նրբաբլիթ դեռ ոչ ոք չի թխել», - նշվում է հաղորդագրության մեջ: Նրբաբլիթը կարող է համտեսել քաղաքի ցանկացած հյուր եւ բնակիչ: Ավելի վաղ Դմիտրովում նույնպես հսկայական նրբաբլիթ էին պատրաստել` 2,5 մ տրամագծով:
