նախընտրելի դարձնելԲուհերի դասախոսները եւ պատմաբանները բաց նամակ են գրել` ի պաշտպանություն Մոսկվայի միջազգային հարաբերությունների պետական ինստիտուտի՝ ՄԳԻՄՕ-ի` պրոֆեսոր Անդրեյ Զուբովի, որն աշխատանքից հեռացվել էր Ուկրաինայի նկամամբ Ռուսաստանի դիրքորոշումը քննադատող հոդվածի հրապարկվելուց հետո: Նամակը մարտի 5-ին հրապարակվել էր «Համալսարանական համերաշխության» արհմիության կայքում, հայտնում է lenta.ru-ն:
Նամակի հեղինակները բողոքում են «քաղաքական դրդապատճառներով» Անդրեյ Զուբովին հեռացնելու սպառնալիքի դեմ: Նամակում ասվում է, որ չնայած ՄԳԻՄՕ-ի ղեկավարությունը մեղադրելու պաշտոնական պատճառները չի նշել, Զուբովին հասկացրել են, որ պատճառը «Վեդոմոստի» թերթում հրապարակած իր հոդվածն է:
Մարտի 4-ին Անդրեյ Զուբովին աշխատանքի էր հրավիրել Տարաս Շեվչենկոյի անվան Կիեւի ազգային համալսարանը:
Հիշեցնենք, տեղեկությունը, որ ՄԳԻՄՕ-ի ռեկտորը աշխատանքից հեռացնում է 62-ամյա փիլիսոփայության պրոֆեսոր Անդրեյ Զուբովին, հայտնի էր դարձել մարտի 4-ին: Ընդ որում` աշխատանքից հեռացնելու պաշտոնական պատճառը չէր նշվում: Հայտնի չէ նաեւ, թե ստորագրված է արդեն Զուբովին աշխատանքից հեռացնելու հրամանը, թե` ոչ: ՄԳԻՄՕ-ի ղեկավարությունը դեռ մեկնաբանություններ չի անում:
Նշենք, որ մարտի 1-ին Զուբովը «Վեդոմոստի» թերթում հոդված էր հրապարակել, որտեղ քննադատել էր Ուկրաինայի նկատմամբ Ռուսաստանի գործողությունները: Զուբովը ռուսական իշխանությունների գործողությունները համեմատել էր 1938թ. Երրորդ ռեյխին Ավստրիայի միացման հետ եւ նախազգուշացրել ռուսական զորքերը Ղրիմ մտցնելու ծանր հետեւանքների մասին: Զուբովը նշել էր, որ այդ դեպքում Մոսկվայի հարաբերությունները Արեւմուտքի եւ հենց Ուկրաինայի հետ կվատանան երկար տարիներ, իսկ Ռուսաստանին կսպառնա տնտեսական քաոս եւ մեկուսացում:
