նախընտրելի դարձնելԹուրքիայի Վիրանշեհիր շրջանի Խիրբաբալակ եզդիաբնակ գյուղում մահմեդականները քանդել են տեղի եզդիական գերեզմանատունը: Այս մասին տեղեկացնում են Գերմանիայում հաստատված եզդիները, ովքեր դեռեւս հարազատներ ունեն, որոնք բնակվում են Թուրքիայում: Խիրբաբալակն այն քիչ բնակավայրերից է Թուրքիայում, որտեղ մինչեւ հիմա ապրում են եզդիներ:
Այս առնչությամբ «Սինջար եզդիների ազգային միավորումը» հաղորդագրություն է տարածել, որտեղ նշում է. «Ինչպես հայտնի է մինչեւ այսօր էլ թուրքական պետությունը եւ թուրք հասարակությունը ոտնահարում են եզդիների իրավունքները: Նրանք եզդիներին համարում են մուսուլմանության թշնամիներ: Եզդիների նկատմամբ Թուրքիայում 1915 թվականից հետո հալածանքների մեծ ալիք սկսվեց 1980-ական թվականներին: Այդ ժամանակ եզդիները մեծամասմաբ լքեցին իրենց հայրենի օջախները:
Ներկայումս նախկին եզդիաբնակ գյուղերում հիմնակնում ապրում են քրդեր: Վերջին շրջանում, տեղի քրդերի հետ հարաբերությունները կարգավորելուց հետո, բազմաթիվ եզդիներ մտադրություն ունեին հետ վերադառնալ իրենց հայրենի բնակավայրերը եւ վերցնել իրենց ընտանիքներին պատկանող հողերը:
Եզդիական գերեզմանատան քանդումը տեղացիները կապում են եզդիների հնարավոր վերադարձի հետ: Այս կերպ մուսուլմանները եւ թուրքական պետությունը փորձում է հիշեցնել, որ եզդիների նկատմամբ թշնամական վերաբերմունքը դեռեւս չի մարել ու եզդիների համար Թուրքիա վերադառնալը անվտանգ չէ»:
