նախընտրելի դարձնելՀայաստանում Գառնիի հեթանոսական տաճարի հարեւանությամբ սրճարանի շինարարությունը բազմաթիվ ճարտարագիտական խնդիրներ կառաջացնի՝ ջրամատակարարման, կոյուղու, նույնիսկ մետաղ-բետոնի փոքր միջամտությունը հետեւանքներ կունենա: Այս մասին մարտի 6-ի մամուլի ասուլիսում հայտարարել է ճարտարապետ Արտակ Ղուլյանը:
Նա նշել է, որ Երեւանի «Զվարթնոց» օդանավակայանի հին շենքը քանդելու փորձը եւ Գառնու հեթանոսական տաճարի տարածքում սրճարանի շինարարությունը նույն շղթայի օղակներն են: «Այդ խնդիրները դիտարկելիս կարելի է հասկանալ, թե որքան սիրողական վերաբերմունք է այսօր Հայաստանի մշակութային հուշարձանների նկատմամբ: Այդ վերաբերմունքը Հայաստանի պաշտոնյաների ոչ մասնագիտական գործողությունների արդյունքն է», - ընդգծել է ճարտարապետը: Ըստ նրա՝ Երեւանի «Զվարթնոց» օդանավակայանի հին շենքը քանդելն անպատասխանատու քայլ է:
«Զվարթնոց» օդանավակայանից հետո քանի՞ համարժեք շենքեր ենք մենք կառուցել: Երբ օրինակներ են բերում, որ ամբողջ աշխարհում քանդում են հին շենքերը, նրանք մոռանում են նշել, որ այնտեղ կառուցվում են նաեւ նորերը», - նշել է Ղուլյանը, հավելելով, որ ժամանակակից տեխնիկական հնարավորությունների շնորհիվ Երեւանի «Զվարթնոց» օդանավակայանի հին շենքը կարելի է վերանորոգել, իսկ «իշխանությունների այն հայտարարությունները, թե չի կարելի, միայն պատրվակ են»:
