նախընտրելի դարձնելԳերմանիայի բնակիչները ոգեւորված չեն Ռուսաստանի դեմ տնտեսական պատժամիջոցների գաղափարով: Այդ մասին վկայում է ARD հեռուստաընկերության եւ Die Welt թերթի անցկացրած հարցումը:
Միայն հարցվողների 38%-ն են կողմ Ռուսաստանի դեմ պատժամիջոցներին, իսկ 72%-ը կողմ է Ուկրաինայի կառավարությանն օգնություն ցուցաբերելուն, հայտնում է Reuters-ը:
Գերմանացիների մեծամասնությունը (81%) Վլադիմիր Պուտինին չի վստահում, իսկ 81%-ը վստահ է, որ Պուտինը այն առաջնորդն է, որը կօգտագործի բոլոր միջոցները՝ Ռուսաստանի շահերն առաջ տանելու համար:
Ընդ որում Ուկրաինայի հարցում Գերմանիայի կանցլեր Անգելա Մերկելի դիրքորոշմանը աջակցում են 71%-ը:
