նախընտրելի դարձնելԱվստրալիայի ոստիկանները գտել են գերմանացի զբոսաշրջիկին, որը մոլորվել էր մոտ երկու շաբաթ առաջ: Պարզվել է, որ ճանապարհորդ գերմանացին այդ ընթացքում եղել է անապատում եւ կենդանի մնալու համար սնվել է միջատներով:
Դանիել Դուդզիժը փետրվարի վերջին ոտքով ճանապարհորդության է ելել Ավստրալիայի արեւելյան մասում եւ չի կարողացել դուրս գալ անապատային տեղանքից:
Երբ մոլորված զբոսաշրջիկին գտել են, նա կատակել է, որ ավստրալիական անապատում այնքան ճանճ կա, որ այնտեղ անհնար է սովից մահանալ:
Հիմա նա մտադիր է շարունակել իր ճանապարհորդությունը երկրի հյուսիսային շրջաններում, հաղորդում է BBC-ի ռուսական ծառայությունը:
