ԱՄՆ-ի Չիկագո քաղաքի օգտագործված հագուստի խանութներից մեկի աշխատակիցը զոհվել է հագուստը տեսակավորելիս. հագուստի մեջ ատրճանակ է պահված եղել։

Չիկագոյի ոստիկանությունում հայտնել են, որ 54-ամյա Կարմեն Դոմինգեսը եւ  իր գործընկերուհին օգտագործված հագուստի տեսակավորմամբ էին զբաղված եղել։ Գուլպաներից մեկից հանկարծ ատրճանակ էր ընկել եւ բախվելով հատակին՝ կրակոց արձակել։

Գնդակը դիպել էր կնոջ կրծքին, հայտնում է ԻՏԱՌ-ՏԱՍՍ-ը։

Դոմինգեսը ծանր վիճակում տեղափոխվել էր հիվանդանոց, սակայն նրա կյանքը փրկել չէր հաջողվել։ Կինն ուներ երկու երեխա։