նախընտրելի դարձնելՂրիմի վարչապետ Սերգեյ Աքսյոնովը խոստանում է, որ Ինքնավարությունը երկլեզու կլինի, քանի որ կենցաղում գործածվում են ռուսերենն ու ղրիմթաթարական լեզուն: Միաժամանակ, թերակղզու բոլոր ազգությունները, այդ թվում՝ ուկրաինացիները, կարող են զարգացնել իրենց լեզուները:
«Մեզ մոտ կենցաղում հիմնականում երկու լեզու է գործածվում՝ ռուսերենն ու ղրիմթաթարական լեզուն: Բնականաբար, բոլորն էլ ազգային լեզուները զարգացնելու հնարավորություն կունենան, մենք ոչնչով չենք ցանկանում սահմանափակել Ղրիմի թաթարներին: Հանրապետությունը երկլեզու կլինի, դա հաստատ», - հայտարարելէ Աքսյոնովը:
Նշենք, որ ավելի վաղ Ղրիմի տարածքում միակ պաշտոնական լեզուն ուկրաիներենն էր` որպես երկրի պետական լեզու: 2012թ. տարածաշրջանային լեզուների մասին օրենք ընդունելուց հետո Ղրիմում ռուսերենը համապատասխան կարգավիճակ էր ստացել:
Հիշեցնենք, որ մարտի 10-ին Սեւաստոպոլ քաղաքի իշխանությունները ռուսերենը դարձրել էին պետական թղթաբանության պաշտոնական լեզու:
Համապատասխան հրամանագիրը ստորագրել էր Սեւաստոպոլի քաղաքապետ Դմիտրի Բելիկը:
