նախընտրելի դարձնելՀայաստանը նկատելի առաջընթաց է արձանագրել խոսքի ազատության, իրավապահ համակարգի աշխատանքի թափանցիկության եւ արդյունավետության գործում: Այս մասին, այսօր՝ մարտի 10-ին, Հայաստանի գլխավոր դատախազ Գեւորգ Կոստանյանի հետ հանդիօպման ժամանակ նշել է Հայաստանում Ռումինիայի դեսպան Սորին Վասիլեն (Sorin Vasile): Հանդիպմանը ներկա են եղել նաեւ Ռումինիայի հյուպատոսական ծառայության ղեկավար Դրագոշ Զամֆիրեսկուն (Dragosh Zamfirescu), ՀՀ գլխավոր դատախազի տեղակալ Էմիլ Բաբայանը եւ ՀՀ գլխավոր դատախազության միջազգային-իրավական կապերի վարչության պետ Նելլի Հարությունյանը:
ՀՀ գլխավոր դատախազը բարձր գնահատելով տարբեր ոլորտներում հայ-ռումինական հարաբերությունները, դրանց զարգացման, սերտացման գործում կարեւորել է նաեւ երկու պետությունների իրավապահ կառույցների համագործակցությունը: Այդ համատեքստում Գեւորգ Կոտանյանը Ռումինիայի նորանշանակ գլխավոր դատախազին հրավիրել է Հայաստան:
ՀՀ գլխավոր դատախազը վստահեցրել է, որ իրավապահ համակարգի գործուներությունն ուղղված է ապահովվելու ՀՀ քաղաքացիների եւ ՀՀ-ում գտնվող անձանց իրավունքները, ազատությունները, ամրապնդելու օրենքի ուժով պաշտպանված լինելու վստահությունը:
