ԱՄՆ Սենատում հավանության է արժանացել օրինագիծը, որը թույլ չի տալիս սեռական բռնության մեջ կասկածվող զինվորականներին որպես փաստարկ ներկայացնել «լավ զինվոր» լինելու հանգամանքը:

Բարեփոխման հիմքում ընկած է գաղափարը, որ զինծառայողը կարող է անբասիր վարկ ունենալ աշխատանքում եւ միաժամանակ ունակ լինել սեռական բռնություն կիրառել:
Փաստաթղթի համաձայն՝ ոտնձգություններում մեղավոր ճանաչված զինծառայողների կոչումները խայտառակ կերպով կիջեցվեն կամ նրանց կվտարեն ամերիկյան բանակից, հայտնում է  BBC-ի ռուսական ծառայությունը:

Օրինագծի նախնական վարկածն առավել խիստ միջոցներ էր նախատեսում, օրինակ՝ զինվորական հրամանատարությանը բանակում կատարված բռնաբարությունների գործով ատենակալների դատարանի որոշումները վերանայելու իրավունքից զրկելը:

Պենտագոնի պաշտոնական վիճակագրությամբ՝ 2012թ. ԱՄՆ-ի բանակում սեռական բռնության զոհ կարող էր դառնալ 26 հազար զինծառայող: