ՆախընտրելիՀրազդան գետի մակարդակը մարտի 12-ին բարձրացել է, իսկ ջուրը ամբողջովին` սեւացել, հաղորդում է «ԷկոԼուր»-ը:
Աղտոտվածությունից եւ գարշահոտությունից մարդիկ անգամ չէին ցանկանում մոտ գալ գետին: «Փարվանա» ռեստորանային համալիրի տարածքում գտնվող ջրլող թռչունները դուրս էին եկել ջրից, իսկ ձկներ գետում ընդհանրապես չէին երեւում: Ռեստորանային համալիրների աշխատակիցները ԷկոԼուրի հետ զրույցում նշել են, որ ամեն տարի այսպես է լինում: «Գնացեք ՀԷԿ-երից հարցրեք, ինչի է էսպես»,- ասում էին նրանք:
Նշենք, որ ավելի վաղ Հայաստանի ԱԻՆ-ը տեղեկացրել էր, որ Երեւան ՀԷԿ-ի ավազանից աստիճանաբար լինելու են ջրբացթողումներ, ինչի հետեւանքով Հրազդան գետի մակարդակը՝ Դավիթաշենի կամրջից մինչեւ Երեւանյան լիճն ընկած հատվածում կբարձրանա:
