ՆախընտրելիԳիտնականները որոշել են, թե որ ընտանի կենդանին է ամենատարածվածը, ինչպես նաեւ այն, թե ինչի մասին է վկայում դրա ընտրությունը: Պարզվել է, որ շներն ամենատարածվածն են, դրանց տերերը աշխատասեր են, առավոտյան վաղ են արթնանում, ամենայն հավանականությամբ ամուսնացած են: Կատուների տերերը ամաչկոտ են, միայնակ: Ճագարները պահում են արվեստի մարդիկ, որոնք հակված են թեթեւամտության, հաղորդում է Mail Online-ը:
Ճագարներ եւ շներ սիրող մարդիկ վաղ են արթնանում, կատուների տերերը սիրում են ուշ քնել եւ ուշ արթնանալ: Հարցումը կատարվել է Մեծ Բրիտանիայում:
Շուն գերադասում է պահել հարցվածների 77 տոկոսը: Կատուներ ունի 21 տոկոսը, 2 տոկոսը՝ ճագար: Ամեն մասնակցի խնդրել են մի քանի բառով ներկայանալ, հաղորդում է FedPost.ru-ն:
Շներիի տերերի կեսից ավելին իրեն անվանել է աշխատասեր, մեկ երրորդը՝ շփվող ու տրամաբանող, իսկ ամեն հինգերորդն իրեն կոկիկ է համարել:
Կատուների սիրահարների շրջանում տարածված էր ինքնամփոփությունը, փնթիությունը:
Ճագարներ ունեցողները նշել են ստեղծագործելու հակվածության մասին, ոմանք նշել են, որ հանգիստ բնավորություն ունեն, մի մասն էլ ասել թեթեւամիտ է:
Բացի այդ հաստատվել է, որ շուն պահում են հիմնականում ամուսնացած տղամարդիկ, ովքեր ապրում են գյուղում, իսկ կատու պահում են 20-30 տարեկան միայնակ կանայք:
