ՆախընտրելիՌադարների էկրաններից անհետացած Malaysia Airlines օդանավը կարող էր Անդամանյան ծովն ընկնել կամ Բենգալյան նեղուցը, հայտարարել է Պենտագոնի ներկայացուցիչ Սթիվեն Ուորենը։
Ըստ նրա՝ ամերիկյան Kidd նավատորմի ականակիր նավը որոնումների համար ուղեւորվել է Անդամանյան ծով եւ Բենգալյան նեղուցը։ Անժմ այն Մալաքայի նեղուցում է, հստակեցրել է Ուորենը։
Իր հերթին New York Times-ը, վկայակոչելով ամերիկյան աղբյուրները եւ մալայզիական բանակի տվյալները, գրում է, որ օդանավը կարգավարների հետ կապն ընդհատվելուց հետո քանիցս փոխել է ուղղութունն ու բարձրությունը, այդ թվում՝ գերազանցել է այդ մոդելի համար թույլատրելի բարձրությունը։
Կուլա Լումպուրից Պեկին մեկնող օդանավը ռադարների էկրաններից անհետացել էր նախորդ շաբաթ օրը։ Օդանավում 227 ուղեւոր եւ անձնակազմի 12 անդամ կար, հայտնում է «ՌԻԱ Նովոստին»։
Վերջին օրերին օդանավի անհետացման հակասական վարկածներ են հայտնվում։
