ՆախընտրելիԿիրակի օրը Չիլիում 100 հազարից ավելի մարդ է տարհանվել՝ 6,5 մագնիտուդով երկրաշարժից հետո: Տարհանումը նախազգուշական քայլ է՝ հնարավոր ցունամիի սպառնալիքի պատճառով:
6,5 մագնիտուդով երկրաշարժ է տեղի ունեցել Խաղաղ օվկիանոսում՝ Իկիկե քաղաքից 60 կմ հեռվում: Առաջին եւ ամենահզոր ցնցման էպիկենտրոնը գտնվել է Չիլիի Իկիկե քաղաքից 64 կմ հյուսիս-արեւմուտք: Ըստ ԱՄՆ-ի Երկրաբանական ծառայության՝ մագնիտուդը կազմել է 6,7: Երկրորդ ցնցումը եղել է 5,1 մագնիտուդով, այն տեղի է ունեցել առաջինից 10 րոպե անց, իսկ երրորդն՝ ավելի թույլը, երկրորդից մեկ ժամ անց:
Ներկայումս Չիլիի ՌԾՈՒ-ի հիդրոգրաֆիկական ծառայությունն արդեն չեղյալ է հայտարարել ցունամիի հնարավոր սպառնալիքի նախազգուշացումը:
