նախընտրելի դարձնելՖրանսիան կարող է դիտարկել Ռուսաստանին «Միստրալ» ռազմանավերի վաճառքը չեղյալ հայտարարելու տարբերակը` Ուկրաինայում իրավիճակի հետագա լարվածության դեպքում: Նման հայտարարություն է արել Ֆրանսիայի արտգործնախարար Լորան Ֆաբիուսը:
««Միստրալ» ռազմանավերի վաճառքը չեղյալ հայտարարելու հնարավորությունն ընդգրկված է Ռուսաստանի դեմ պատժամիջոցների երրորդ փուլի ցանկում: Ներկայումս մենք երկրորդ փուլում ենք, - ասել է նախարարը: - Ֆրանսիան կարող է դիտարկել ռազմանավերի վաճառքը չեղյալ հայտարարելու տարբերակը: Սակայն այս դեպքում Ֆրանսիան մտադիր չէ միայնակ գործել. նա Մեծ Բրիտանիային կխնդրի համարժեք գործողություն իրականացնել` Լոնդոնում ռուս օլիգարխների ունեցվածքի հարցում»:
«Պատժամիջոցներին պետք է մասնակցեն բոլորը», - ընդգծել է Ֆրանսիայի արտգործնախարարը, հայտնում է ԻՏԱՌ-ՏԱՍՍ-ը:
