նախընտրելի դարձնելՄեծ Բրիտանիան 2017թ.-ից կփոխի մեկ ֆունտանոց մետաղադրամների դիզայնը: Այդ քայլին Լոնդոնը դիմում է մեծաթիվ կեղծումների պատճառով, ասված է թագավորության ֆինանսների նախարարության մամուլի ծառայությունան հաղորդագրությունում:
Ըստ գնահատականների՝ մեկ ֆունտանոց մետաղադրամների շուրջ 3%-ը կեղծված է, որոշ տեղերում ցուցանիշը հասնում է 6%-ի:
Մետաղադրամների ներկայիս դիզայնը, որը 30 տարի առաջ է ստեղծվել, դրամանենգների համար այլեւս բարդություն չի ներկայացնում:
Նոր նմուշը կեղծելը չափազանց բարդ կլինի: Մասնագետների խոսքով՝ «այն աշխարհում ամենահուսալի մետաղադրամը կդառնա»,- հայտնում է ԻՏԱՌ-ՏԱՍՍ-ը:
Հաղորդվում է, որ թագավորությունում հանրային մրցույթ կանցկացվի՝ որոշելու համար, թե ինչ պատկեր է լինելու մետաղադրամի հակառակ երեսին: Գլխավոր կողմում ավանդաբար կլինի բրիտանական իշխող միապետի պրոֆիլը:
