նախընտրելի դարձնելՍեւաստոպոլում բանակցություններ են ընթանում Ռուսաստանի Սեւծովյան նավատորմի փոխծովակալ Ալեքսանդր Վիտկոյի եւ Ուկրաինայի ՌԾՈՒ-ի կոնտրծովակալ Սերգեյ Գայդուկի միջեւ, հաղորդում է «Ինտերֆաքսը»:
Բանակցությունները տեղի են ունենում Սեւաստոպոլում՝ Ուկրաինայի ռազմածովային ուժերի գլխավոր շտաբում: Ավելի վաղ հաղորդվել էր, որ ցույցի մասնակիցները կոտրել էին զորամասի ցանկապատը եւ ներխուժել դրա տարածք:
Հիշեցնենք, որ առավոտյան շտաբի մոտ ցույց էին սկսել քաղաքացիական ակտիվիստները եւ Սեւաստոպոլի ինքնապաշտպանության անդամները: Ըստ Ուկրաինայի լրատվամիջոցների՝ ռազմական տեխնիկայի օգնությամբ տեղահան էին արվել Ուկրաինայի ռազմածովային ուժերի հրամանատարության գլխավոր գրասենյակի դարպասները եւ ամբոխը տարածք էր ներխուժել: Զորամասի գլխին բարձրացրել են ռուսական եւ անդրեեւյան դրոշները: Շենքի ճակատին խոշոր տառերով գրված է. «Ուկրաինայի ռազմածովային ուժերը դեմ են ֆաշիզմին: Մենք կողմ ենք խաղաղությանը»:
Ավելի վաղ հաղորդվել էր, որ Ղրիմում՝ Սիմֆերոպոլի ռազմական օբյեկտի գրոհի ժամանակ, ուկրաինացի զինվոր էր զոհվել, վիրավորվել՝ կապիտան:
