նախընտրելի դարձնելՌԴ նախագահ Վլադիմիր Պուտինի գործունեության քաջալերման վարկանիշը վերջին հինգ տարվա մեջ հասել է առավելագույնին՝ Ուկրաինայի իրավիճակով, Ղրիմի հանրաքվեով եւ վերջին հաղթական ելույթով պայմանավորված, հայտնում են սոցիոլոգները՝ վերլուծելով հարցումների տվյալները:
Մարտի 15 – 16-ի հետազոտության տվյալով՝ Պուտինի վարկանիշը կազմել է 75,7%: Մեկ շաբաթ առաջ այն 8 - 9 71,6% էր:
Բացի Ուկրաինայի եւ Ղրիմի դեպքերից, մասնագետները վարկանիշի մեծացման պատճառ են նշում Սոչիի օլիմպիադայում Ռուսաստանի պարալիմպիկ հավաքականի հաղթական ելույթը:
Ըստ սոցիոլոգների՝ վերջին ամսում Պուտինի գործունեության քաջալերման մակարդակն աճել է 11,4%-ով, տարեսկզբից ի վեր՝ 15,1%-ով, հայտնում է «Ինտերֆաքսը»:
Վերջին երկու տարում այդ ցուցանիշը միջինը 60% եւ ավելի էր, առավելագույնը 2012-ի մայիսին (68,8%) եւ 2014-ի մարտի սկզբին էր արձանագրվել (71,6%):
Վերջին երեք տարում մոսկվացիներն ու պետերբուրգցիները նախագահի աշխատանքը մնացած բնակիչներից ավելի ցածր էին գնահատում: Վերջին ամիսներին նրանց գնահատականը զգալի բարձրացել է եւ հինգ տարվա առավելագույնին հասել (71,3:
Մարտի 15 – 16-ի հարցմանը մասնակցել էր 1600 մարդ՝ ՌԴ 42 սուբյեկտների 130 բնակավայրերից: Վիճակագրական սխալի հավանականությունը չի գերազանցում 3,4%-ը:
