ԱՄՆ-ի ազգային աշխարհագրական հասարակությունը քարտեզներում Ղրիմը մոխրագույն ներկելու որոշում է կայացրել, ինչը կնշանակի «Հատուկ կարգավիճակով տարածք»: Տարածաշրջանի վարչական կենտրոն Սիմֆերոպոլը հատուկ խորհրդանշան կունենա:

Ամերիկյան աշխարհագրական քարտեզներ կազմողները հայտնում  են, որ որոշումն ընդունվել է վիճելի տարածքների հանդեպ ԱՄՆ-ի քաղաքականությանը համապատասխան: Այս գործողությունները ստեղծված իրավիճակի կամ լեգիտիմության ճանաչում չեն նշանակի:

Ավելի վաղ հաղորդագրություն էր հայտնվել, որ Ազգային աշխարհագրական հասարակությունը Ղրիմը կարող է նշել որպես Ռուսաստանի տարածք:

ԱՄՆ-ն եւ արեւմտյան այլ երկրները չեն ճանաչում Ղրիմի միացումը Ռուսաստանի կազմին եւ այն անօրինական են համարում:

Նշենք, որ Խորհրդային Միության ժամանակներում ամերիկյան աշխարհագրական քարտեզներին մոխրագույնով նշվել են Մերձբալթյան հանրապետությունները, քանի որ ԱՄՆ-ն չի ճանաչել դրանց  միացումը ԽՍՀՄ-ին, հայտնում է «Ազատություն ռադիոն»: