Նախընտրելի«Ուրալվագոնզավոդ» ՍՊԸ-ն 2015թ. Ադրբեջանի երկաթուղիների հետ վագոնաշինական ՀՁ կհիմնի, հայտնել է «Ուրալվագոնզավոդ»-ի տնօրեն Օլեգ Սիենկոն:
«Ադրբեջանում նախատեսում ենք տարեկան 2 հազար միավոր շարժակազմ հզորությամբ վագոնաշինական գործարան կառուցել», - ասել է Սիենկոն:
Ըստ նրա՝ ձեռնարկությունը բեռնատար վագոնների 6 մոդել կարտադրի, այդ թվում՝ կիսավագոններկ ցիստեռններ եւ այլն:
Գլխավոր տնօրենը հավելել է, որ Ադրբեջանի երկաթուղիների հետ համատեղ ձեռնարկությունում մասնաբաժինը կլինի 50/50: Ամեն կողմի ներդրումների ծավալը կկազմի 20-30 միլիոն եվրո:
Սիենկոն ընդգծել է, որ գործարանը կսկսի աշխատել 2015թ. եւ անմիջապես կհասնի ծրագրով սահմանված հզորությանը, հայտնում է ԻՏԱՌ-ՏԱՍՍ-ը:
«Այնտեղ կայուն պահանջարկ կա: Ավելին, Ադրբեջանի կառավարությունը Վրաստանի տարածքով դեպի Կարս ճանապարհ է կառուցում, այդ պատճառով էլ այնտեղ բեռների կուտակում կլինի, այդ թովւմ նաեւ՝ տարանցիկ բեռների: Հավաքակազմը հնացել է, անհրաժեշտ է փոխել տարեկան 1,5 հազար վագոն», - պարզաբանել է նա: Ըստ նրա՝ նախատեսվում է, որ ՀՁ-ի արտադրանքը մատակարարվելու է Ադրբեջանի շուկա, իսկ հետագայում չի բացառվում նաեւ՝ Վրաստան եւ Թուրքիա:
Նշենք, որ «Ուրալվագոնզավոդ» ձեռնարկության բաժնետոմսերի 100%-ը պատկանում է Ռուսաստանին:
