նախընտրելի դարձնելԸնդդիմության հազարավոր կողմնակիցներ մասնակցել են Ալժիրի մայրաքաղաքում ընթացող ցույցին` ապրիլին կայանալիք նախագահական ընտրությունները բոյկոտելու կոչ անելով:
Իսլամական եւ աշխարհիկ ընդդիմադիր կուսակցությունները դեմ են ընտրություններին երկրի գործող նախագահ Աբդելազիզ Բուտեֆլիկայի մասնակցությանը, որն առաջադրվում է չորրորդ անգամ, հաղորդում է BBC-ի ռուսական ծառայությունը:
Երկրի ներկայիս նախագահը 77 տարեկան է, նա հիվանդ է, անցյալ տարի կաթված էր տարել: Ընդդիմությունը կարծում է, որ Բուտեֆլիկան շատ ծեր է եւ արդեն ի վիճակի չէ կառավարել երկիրը:
Նախագահը հասարակության մեջ վերջին ամիսներին հազվադեպ է հայտնվում, սակայն իշխող Ազգային-ազատագրական ճակատի, ինչպես նաեւ զինվորականների եւ բիզնես վերնախավի աջակցությունը երաշխավորում է նրա հաղթանակն ընտրություններում:
