Թուրքական օդուժի կողմից սիրիական ռազմական օդանավը խփելուց հետո ռուսական 3 ռազմանավ, այսօր՝ մարտի 24-ի առավոտյան, Բոսֆորի եւ Դարդանելի նեղուցներն անցել են եւ շարժվում են դեպի Միջերկրական ծով։

Թուրքական Milliyet-ի փոխանցմամբ՝ Սեւ ծովից դուրս եկած ռուսական Minsk, Olengorsky եւ Kaliningrad ռազմանավերը իրար հետեւից անցել են Բոսֆորի եւ Դարդանելի նեղուցներն ու շարժվում են Միջերկրական ծով եւ Սիրիայի ափեր։

Նեղուցներն անցնելու ժամանակ ռուսական ռազմանավերին ուղեկցել են թուրքական առափնյա պաշտպանության նավերը։

Նշենք, որ մարտի 23-ի կեսօրին թուրքական  կործանիչները խփել են Սիրիայի տարածքում ահաբեկիչների դեմ գործողություններ իրականացնող սիրիական ռազմական օդանավ։

Տեսանյութը դիտելու համար սեղմեք ԱՅՍՏԵՂ։