ՆախընտրելիՌուսաստանի կառավարությունում առաջիկայում ստեղծվելու է Ղրիմի հարցով հատուկ հանձնաժողով, որը ղեկավարելու է փոխվարչապետ Դմիտրի Կոզակը, հայտնել է ՌԴ վարչապետ Դմիտրի Մեդվեդեւը:
«Ղրիմի թեման ներկայացնելու է փոխվարչապետ Դմիտրի Նիկոլայեւիչ Կոզակը: Ձեւավորվել է համապատասխան խումբ: Արդեն դրանով զբաղվում են: Առաջիկայում այդ նպատակով կստեղծվի պետական հանձնաժողով», — ասել է Մեդվեդեւը:
Նա ընդգծել է, որ բոլոր նախարարությունները եւ գերատեսչությունները պետք է սերտ համագործակցեն:
Այս մասին Սիմֆերապոլի մամուլի ասուլիսում հայտարարել է նաեւ Ղրիմի Հանրապետության Նախարարների խորհրդի նախագահի առաջին տեղակալ Ռուստամ Թեմիրգալիեւը:
Ըստ նրա մամուլի քարտուղար Իլյա Ջուսի` ՌԴ փոխվարչապետ Դմիտրի Կոզակին Ղրիմի դաշնային ծրագրերի վերահսկիչ նշանակելը տրամաբանական է, քանի որ նա պատասխանատու է տարածաշրջանային քաղաքականության համար:
Մարտի 16-ին Ղրիմում ինքնավարության կարգավիճակի վեաբերյալ հանրաքվե էր անցկացվել, ընտրողների 96%-ը կողմ էին քվեարկել` Ռուսաստանի կազմին Ղրիմի միանալուն: Ռուսաստանը եւ Ղրիմը մարտի 18-ին պայմանագիր էին ստորագրել հանրապետութան եւ Սիմֆերապոլ քաղաքի` Ռուսաստանի կազմում ընգրկվելու վերաբերյալ: Մարտի 21-ին ՌԴ նախագահը երկու փաստաթուղթ էր ստորագրել. Ռուսաստանի եւ Ղրիմի պայմանագիրը վավերացնող օրենք եւ դաշնային սահմանադրական օրենք` Ղրիմի միացման եւ ՌԴ-ում նոր սուբյեկտներ ձեւավորվելու մասին` Ղրիմի Հանրապետություն եւ դաշնային նշանակության Սեւաստոպոլ քաղաք:
