նախընտրելի դարձնելԴանիայի մայրաքաղաքում կենդանաբանական այգու աշխատակիցները քնեցրել են 4 առյուծների: Ինչպես հաղորդում է Gazeta.ru-ն՝ քնեցրել են 2 ծեր առյուծների եւ երկու ձագերի, որոնք ընդամենը 10-ամսական էին:
Կենդանաբանական այգու աշխատակիցները պնդում են, որ դա արվել է, որպեսզի արուին նոր «ընտանիք» կազմելու շանս տան:
Այգու աշխատակիցները նշել են, որ նոր արուն, միեւնույն է, կսատկացներ առյուծի ձագերին, որոնք ընդունակ չեն իրենց պաշտպանելու: Կենդանիների սպանությունը բացատրվում է նաեւ նրանով, որ նրանց համար նոր վայր չեն գտել:
Ավելի վաղ NEWS.am-ը հայտնել էր, որ փետրվարի սկզբին Դանիայի Վիդեբեկ քաղաքի Jyllands կենդանաբանական այգու աշխատակիցները քնեցնել են մեկ ընձուղտի` Մարիուս անունով:
Հաղորդվում է, որ միանգամայն առողջ յոթ տարեկան Մարիուսը խառնուրդ է, եւ այդ պատճառով էլ սերունդ չի կարող տալ, հայտնում է gazeta.ru-ն` վկայակոչելով The Guardian-ը:
Վիդեբեկի կենդանաբանական այգում նշել են, որ տեղի կենդանաբանները զորակցում են Կոպենհագենի իրենց գործընկերներին, որտեղ քնեցվել եւ գիշատիչների կերակուր էր դարձել մեկուկես տարեկան մեկ այլ Մարիուս ընձուղտը:
Հիշեցնենք, որ փետրվարի 9-ին Կոպենհագենի կենդանաբանական այգում քնեցվել էր մեկուկես տարեկան առողջ Մարիուս ընձուղտը: Կենդանին խառնարյուն էր: Նման սերունդն արգելված է:
Նման միջոցին դեմ էին արտահայտվել եվրոպական բազմաթիվ լրատվամիջոցներ եւ կենդանիների պաշտպանության կազմակերպություններ: 27 հազար մարդ Մարիուսի պաշտպանության ստորագրահավաք էին կազմակերպել, սակայն կենդանաբանական այգու հասցեին ուղղված սպառնալիքները չէին փրկել ընձուղտին:
