նախընտրելի դարձնելԹուրքիայի տարածքից ահաբեկչական խմբավորումների կողմից հայաբնակ Քեսաբի վրա տեղի է ունեցել հարձակում, որի արդյունքում տարհանվել է քաղաքի բնակչությունը: Այդ մասին մարտի 27-ին ԵԱՀԿ Մշտական Խորհրդի հանդիպմանը հայտարարել է Հայաստանի մշտական ներկայացուցիչ, դեսպան Արման Կիրակոսյանը՝ հայտարարություն անելով Քեսաբի շուրջ ստեղծված իրավիճակի վերաբերյալ:
Խորը մտահոգություն հայտնելով Սիրիայի հյուսիս-արեւմուտքում իրադրության կտրուկ սրման կապակցությամբ՝ ՀՀ դեսպանը նշեց, որ Թուրքիայի տարածքից ահաբեկչական խմբավորումների կողմից հայաբնակ Քեսաբի վրա տեղի է ունեցել հարձակում, որի արդյունքում տարհանվել է քաղաքի բնակչությունը:
Դեսպան Կիրակոսյանը ուշադրություն հրավիրեց այն հանգամանքի վրա, որ ծայրահեղական խմբերի կողմից բնակիչների սեփականությանը հասցվել է զգալի կորուստներ, վնասվել են հայկական եկեղեցիները:
