ՆախընտրելիՀունաստանի խորհրդարանը մարտի լույս 31-ի գիշերը հավանություն է տվել հակաճգնաժամային բարեփոխումների փաթեթին, որի ընդունումը ԱՄՀ-ից հերթական ֆինանսական օգնությունը ստանալու անհրաժեշտ պայման է:
Փաթեթը ներառում է առեւտրի մի շարք հատվածների ազատականացում, այդ թվում` բանկային բարեփոխում: Այն քվեարկության է դրվել երկու մասով եւ ընդունվել ձայների 17 եւ 15 գերակշռությամբ համապատասխանաբար, հայտնում է lenta.ru-ն` վկայակոչելով Agence France-Presse-ը:
Նշվում է, որ Հունաստանի իշխանությունների համար անհրաժեշտ էր հակաճգնաժամային բարեփոխումների փաթեթը խորհրդարանում ընդունել նախքան ԵՄ ֆինանսների նախարարների եւ ԿԲ նախագահների ոչ պաշտոնական հանդիպումը:
Հիշեցնենք, 2011թ. Հունաստանը դեֆոլտի եզրին էր եւ ստիպված էր օգնության համար դիմել ԵՄ-ին եւ ԱՄՀ-ին, որոնք ֆինանսական օգնության դիմաց երկրում պահանջում են մի շարք բարեփոխումների անցկացում:
