ՆախընտրելիԼեհաստանի մայրաքաղաք Վարշավայում հանգստյան օրերին անսովոր` կոստտյումավորված աթեիստների երթ է կայացել:
Երթի մասնակիցները միապետների եպիսկոպոսների եւ XVII դարի այլ պերսոնաժների հանդերձներով, ձեռքերում ունեցել են հայտնի աթեիստների` Նոբելի, Ներուի Ռասելի, Օրուելի, Լեմի եւ այլ հայտնիների անուններով պաստառներ, հայտնում է ԻՏԱՌ-ՏԱՍՍ-ը:
Հին քաղաքի գլխավոր հրապարակում նրանք մի փոքր ներկայացում են ցուցադրել`բեմադրել են XVII դարի փիլիսոփա Կազիմիր Լիշչինսկու մահապատիժը, որին մեղադրել էին աթեիզմի մեջ:
«Մենք հիշում ենք 17-րդ դարի լեհ հայտնի մտավորականներից մեկի նկատմամբ եկեղեցու եւ պետության իրագործած հանցագործության մասին: Մենք նաեւ ցանկանում ենք հիշեցնել ներկայիս կառավարությանը, որ իրենք պարտավոր են հավասար հարգանքով վերաբերվել ինչպես հավատացյալերին, այնպես էլ անհավատներին», - նշել է պրոֆեսոր Յան Հարթմանը, որը մահապատժի դատապարտված փիլիոփայի դերն է կատարել:
«Մենք ոչ ոքի չենք համոզում աթեիստ դառնալ: Թող յուրաքանչյուրն ինքը որոշի` ով է ինքը, սակայն թույլ տվեք մեզ ցույց տալ մեր ներաշխարհը: Կաթոլիկները կարող են ժամերգություններ կատարել, իսկ մենք որոշեցինք հարգել Լիշչինսկու հիշատակը, որը նվիրեց իր կյանքը բոլորի համար կարեւոր արժեքներին` մտքի, խոսքի եւ հավատի ազատություն», - հավելել է նա:
Նշվում է, որ Վարշավայում երթը տեղի է ունեցել Լեհաստանում Աթեիզմի օրերի շրջանակներում, որոնք ուղեկցվել են կինոցուցադրություններով, տարբեր հանդիպումներով եւ քննարկումներով:
