Ամերիկյան Նյու Մեքսիկո նահանգի Ալբուքերք քաղաքի բնակիչները բողոքի ակցիա են կազմեկրպել տեղի ոստիկանության դաժանության դեմ: Իրավապահները ցուցարարներին ցրել են արցունքաբեր գազի միջոցով, հաղորդում է BBC-ի ռուսական ծառայությունը:

Ավելի վաղ ինտերնետում տեսագրություն է հայտնվել, որտեղ երեւում է, թե ինչպես է ոստիկանը կրակում Ջեյմս Բոյդ անունով անտունի վրա:

Anonymous հաքերային խումբը հայտարարել է Բոյդի մահվան համար վրեժ լուծելու մտադրության մասին ու հարձակում է իրականացրել քաղաքային ոստիկանության կայքի վրա:

Նախորդ շաբաթ քաղաքի ոստիկանները եւս մեկ կասկածյալի են սպանել՝ Ալֆրեդ Ռեդուայն անունով:

Albuquerque Journal-ի տեղեկություններով՝ 2010-ից ի վեր ոստիկանները 37 անգամ կրակել են կասկածելի մարդկանց վրա, արդյունքում՝ 24 մարդ զոհվել է:

Հավելենք, որ քաղաքի բնակչության կեսից ավելին լատինաամերիկացիներ են: