ՆախընտրելիՀայաստանում ապրիլի 1-5-ը «Ռուսհամագործակցության» ու ՌԴ ԿԳՆ հովանու ներքո կկայանա «Ժամանակն է սովորել Ռուսաստանում» մաթեմատիկայի միջազգային օլիմպիադա:
Ինչպես NEWS.am-ին է հաղորդել Հայաստանում «Ռուսհամագործակցության» ներկայացուցչության մամուլի ծառայության ղեկավար Լիանա Ազոյանը օլիմպիադան անցկացվելու է.
Ապրիլի 1 –ին՝ Երեւանում № 29 դպրոցում ակադեմիկոս Շահինյանի անվան ֆիզմաթ դպրոցում:
Ապրիլի 2 –ին՝ Գյումրիի «Ֆոտոն» լիցեյում:
Ապրիլի 3-ին՝ Վանաձորի հատուկ դպրոցում՝ մաթեմատիկայի ու բնագիտական առարկաների խորացված ուսուցմամբ:
Ապրիլի 4-ին՝ Երեւանի «Այբ» ավագ դպրոցում, «Քվանտ» վարժարանում:
Ապրիլի 5-ին՝ Երեւանի Գիտության ու կրթության ռուսական կենտրոնում:
Օլիմպիադային մասնակցելու են հրավիրվել 10 – 12-րդ դասարանի աշակերտները:
