նախընտրելի դարձնելՈւկրաինայի «Սվոբոդա» կուսակցությունը առաջարկում է ուկրաինական բանակը զինել «հակապուտինյան կոալիցիայի» սկզբունքով: Այս մասին խորհրդարանում հայտարարել է «Սվոբոդայի» առաջնորդ Օլեգ Տյագնիբոկը:
Նա նշել է, որ «Սվոբոդան» ԱԳՆ-ին առաջարկում է դիմել Ուկրաինայի անվտանգության երաշխավոր երկրներին, մասնավորապես՝ Մեծ Բրիտանիային եւ ԱՄՆ-ին՝ երկկողմ համաձայնագիր ստորագրելու համար:
«Այդ համաձայնագրերը թույլ կտան մեծացնել մեր պետության պաշտպանունակությունը», - ասել է նա:
«Սվոբոդան» նաեւ առաջարկում է դիմել ԱՄՆ-ի Կոնգրեսին՝ «հակապուտինյան կոալիցիայի» ձեւաչափում Ռուզվելտի առաջարկած սկզբունքը վերածնելու համար, որի համաձայն՝ երկիրը, որին սպառնում է ագրեսորը եւ որը բավական ֆինանս չունի զինվելու համար, կարող է այդ միջոցները փոխառել այլ երկրներից՝ հետո վերադարձնելու պայմանով»,- ասել է նա:
