ՆախընտրելիԹուրքիայի եւ Ադրբեջանի միջեւ ռազմական նոր, ծավալուն համաձայնագրի ստորագրում է նախապատրաստվում: Թուրքական դիվանագիտական աղբյուրներից haqqin.az-ին հայտնի է դարձել, որ նոր համաձայնագիրը արտաքին ներխուժման դեպքում երկրների հստակ պարտավորություններ կսահմանի:
Մասնավորապես, եթե Բաքվի եւ Անկարայի միջեւ պաշտպանական բնագավառում նախկին համաձայնությունները չէին նախատեսում ռազմական ուղիղ օգնություն, ապա ըստ նոր պայմանավորվածությունների, կողմերը պարտավորվում են հարկ եղած դեպքում օգնություն ցուցաբերել միմյանց: Այս եւ մի շարք այլ հարցեր քննարկվելու են Թուրքիայի գլխավոր շտաբի պետ Նեջեթ Օզելի եւ Ադրբեջանի ղեկավարության միջեւ բանակցությունների ընթացքում:
Նույն աղբյուրները հայտնել են, որ եթե նախկինում ՆԱՏՕ-ն Թուրքիային համոզում էր զերծ մնալ Ադրբեջանի հետ նման համաձայնագիր կնքելուց, ապա Ուկրաինայի իրադարձություններից հետո Դաշինքն այդ պայմանագրի ստորագրման համար կանաչ լույս է վառել:
