նախընտրելի դարձնելԲաքվում բարձր դասարանցիները արյունահեղ ծեծկռտուք են կազմակերպել:
Ինչպես հաղորդում են ադրբեջանական լրատվամիջոցները, արյունահեղ վիճաբանության ընթացքում 11-րդ դասարանի աշակերտը դանակով ծանր հարվածներ է հասցրել իր երկու հասակակիցներին: Հանցագործությունը կատարվել է երեկոյան «Ալով» զբոսայգում:
Ծեծկռտուքի ընթացքում 1998թ.-ին ծնված, ծագումով Զանգիլանի շրջանից Ռուսլան Հուսեինովը դանակի հարված է հասցրել 9-րդ դասարանի աշակերտներ, Սաբունչինկի շրջանի բնակիչներ Ռասիմ Ջաֆարովին եւ Քենան Ջամալովին:
Երկու դպրոցականները որովայնի վնասվածքներ են ստացել, ընդ որում Ջամալովի վնասվածքը խորն է, ինչի հետեւանքով նրան հիվանդանոց են տեղափոխել: Ինչ վերաբերում է Ջաֆարովին, նրան բժշկական օգնություն ցուցաբերելուց հետո տուն են ուղարկել:
Հանցագործության դրդապատճառը դեռ հայտնի չէ: Նախապես հաստատվել է, որ կոնֆլիկտը դպրոցականների միջեւ ծագել է մեկ շաբաթ առաջ: Երեկ Հուսեինովը նրանց պարզաբանման է կանչել: Այս պահին հարուցված է քրեական գործ ավազակության փաստի առթիվ, հետաքննությունը շարունակվում է:
