նախընտրելի դարձնելMalaysia Airlines օդանավի անհետացման իրական պատճառները, հնարավոր է, երբեք չպարզվեն, հայտնել է Մալազիայի ոստիկանապետ Խալիդ Աբու Բաքարը, հայտնում է «ՌԻԱ Նովոստին»՝ վկայակոչելով The Associated Press-ը:
Քննիչները ստուգում են այն վարկածը, որ օդանավի անհետացումը կապված է եղել դրանում գտնված անձանց գործողությունների հետ: Քննիչները ստուգում են բոլոր ուղեւորների եւ անձնակազմի անդամների տվյալները: Ըստ Աբու Բաքարի՝ ոստիկանությունը ստացել է 170 բնութագիր:
Հիշեցնենք, ավելի վաղ ՉԺՀ-ի իշխանությունները հայտնել էին, որ ուսումնասիրել են օդանավում եղած ՉԺՀ-ի բոլոր քաղաքացիների տվյալները, եւ բացառել, որ նրանցից որեւէ մեկը կարող էր ահաբեկչություն կազմակերպել: Հաղորդվել էր նաեւ, որ Մալայզիայի ոստիկանությունը հարցաքննել է օդաչու Զահիր Ահմադ Շահի հարազատներին:
