նախընտրելի դարձնելԿիեւի Մայդանում ընդդիմության կողմից վերահսկվող շենքերից կրակում էին արմատականները, ռուսական «Դոժդ» հեռուստաալիքին պատմել է Ուկրաինայի պաշտոնանկ արված նախագահ Վիկտոր Յանուկովիչը:
«Երբ սկսեցին կրակել դիպուկահարները, մենք բանակցություններ էինք վարում ընդդիմության հետ: Հրաձգությունն սկսվել էր ընդդիմության վերահսկողության ներքո գտնվող շենքերից: Փետրվարի 21-ին համաձայնագիր ստորագրելուց անմիջապես հետո ես սկսեցի կատարել իշխանության ստանձնած պարտավորությունները: Ես՝ որպես նախագահ, ստորագրել էի այդ համաձայնագիրը եւ իրավապահ մարմիններին ու ոստիկանությանը հանձնարարեցի հեռանալ Մայդանից: Ի պատասխան մեր գործողություններին՝ Մայդանի արմատական հատվածը հրաձգությամբ պատասխանեց», — Յանուկովիչի խոսքերն է մեջբերում «Սեգոդնյա» թերթը:
Նա վստահեցրել է, որ կրակելու ոչ մի հրահանգ չի տվել: «Զենք չի բաժանվել այն հատուկ ստորաբաժանումներին, որոնք պաշտպանում էին պետհաստատությունները: Նրանք կատարել են օրենքով նախատեսված գործողություններ», — ընդգծել է Յանուկովիչը:
Ըստ նրա՝ Մայդանը երկու մասի էր բաժանվել՝ խաղաղ ցուցարարներ եւ արմատականներ:
Յանուկովիչը նաեւ հիշեցրել է, որ բախումներ թույլ չէր տվել նաեւ 2004թ. «նարնջագույն հեղափոխության» ժամանակ:
