նախընտրելի դարձնելՈւկրաինայի պետական սպառողական տեսչությունը ռուսական ապրանքների ստուգումներ է իրականացրել եւ երկրի օրենսդրության պահանջների խախտումներ հայտնաբերել: Ստուգումն իրականացվել է խորհդարանում «Ազատություն» խմբակցության ղեկավար Օլեգ Տյագնիբոկի դիմում հետ կապված:
Տեսչությունը առարկություններ է ներկայացրել ռուսական «Կրասնի Օկտյաբր» ընկերության, Բաբաեւսկի հրուշակեղենի կոնցեռնի, «Ռոտ ֆրոնտ» ընկերության, «Ռուսկի շոկոլադ» ֆաբրիկայի ապրանքատեսակների առնչությամբ:
Առարկություններ կան նաեւ պանիր արտադրող «Լակտիլիս Իստրա» ընկերության եւ ձուկ արտահանող երկու ընկերությունների ապրանքատեսակների վերաբերյալ:
«Ներկայումս Ուկրաինայի պետական սպառողական տեսչությունը համապատասխան միջոցներ է ձեռնարկում այդ եւ այլ ռուսական ապրանքատեսակների առգրավման ուղղությամբ, որոնք բաշխվել են օրենսդրության խախտումներով»,-ասել է տեսչության պետ Սերգեյ Օրեխովը, հաղորդում է ЛIГа.net-ը:
