նախընտրելի դարձնելՀայաստանի ԱԻՆ-ում, այսօր՝ ապրիլի 3-ին, ժամը 01.00-ին ահազանգ է ստացվել, որ Արարատի մարզի Այնթափ գյուղի գազալցակայանի մոտակայքում տեղի է ունեցել ավտովթար` հրդեհի բնկումով, կան տուժածներ. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել հատուկ փրկարարական ջոկատի հերթապահ խումբը եւ մեկ մարտական հաշվարկ:
Պարզվել է, որ բախվել են «ԿամԱԶ» մակնիշի 580 OU 64 եւ «ԳԱԶ 24» մակնիշի 34 UT 437 համարանիշերի ավտոմեքենաները:
Մինչ հրշեջ-փրկարարների կանչի վայր հասնելը` «ԳԱԶ 24» ավտոմեքենայի ուղեւոր Գ. Հ.-ը տեղի ուժերով հոսպիտալացվել է Մասիս քաղաքի ԲԿ:
Հրշեջ-փրկարարները դուրս են բերել «ԳԱԶ 24» ավտոմեքենայի վարորդ Հ. Հ.-ին եւ ուղեւոր` 47-ամյա Ս. Հ.-ին, ովքեր հոսպիտալացվել են Մասիս քաղաքի ԲԿ:
Բժիշկները տուժածների առողջական վիճակը գնահատել են միջին ծանրության:
