նախընտրելի դարձնելՈւկրաինան նվազեցնում է իր մասնակցությունը ԱՊՀ Գործկոմին եւ հետ կանչում իր մշտական ներկայացուցիչ Իվան Բունեչկոյին: Այդ մասին Մինսկում հայտարարել է ինքը՝ Բունեչկոն:
«Իմ հետկանման մասին հրամանագիր կա: Պարտականությունները կատարելու է խորհրդականը»,- ասել է Բունեչկոն: Նա հստակեցրել է, որ վերադառնում է Կիեւ՝ դիվանագիտական առաքելության ավարտման կապակցությամբ, բայց իրեն փոխարինող չեն ուղարկելու, հաղորդումէ «ՌԻԱ Նովոստին»:
«Գերագույն ռադայում արդեն կա որոշման նախագիծ, որի կետերից մեկով վերացվելու է մշտական ներկայացուցչությունը»,- ասել է Բունեչկոն՝ նշելով, որ հաջորդ շաբաթ լքելու է Մինսկը:
Ավելի վաղ Կիեւը հայտարարել էր, թե հրաժարվում է ԱՊՀ նախագահությունից, ինչից հետո պարտականություններն անցել էին Բելառուսին: Կիեւում չեն բացառել նաեւ ԱՊՀ-ից ամբողջովին հրաժարվելը:
