նախընտրելի դարձնելՀայաստանի Հանրապետության կենտրոնական բանկը թողարկել է Հովհաննես Շիրազի ծննդյան 100-ամյակին, Ոսկան Երեւանցու ծննդյան 400-ամյակին, Էդուարդ Իսաբեկյանի ծննդյան 100-ամյակին նվիրված հուշադրամներ:
ԿԲ մամուլի ծառայությունից հայտնում են, որ Հովհաննես Շիրազի ծննդյան տարեդարձին նվիրված հուշադրամի դիմերեսին պատկերված են Մեծ Մասիսը, Հովհաննես Շիրազի ստորագրությունը եւ նրա «Կտակ» բանաստեղծությունից տողեր: Ներքեւում` «Հայաստանի Հանրապետության կենտրոնական բանկ 2014» եւ «10000 դրամ» մակագրություններն են:
Հուշադրամի դարձերեսին պատկերված է Հովհաննես Շիրազի դիմաքանդակը, ձախ կողմում եզրագծով «ՇԻՐԱԶ 1914 1984» մակագրություններն են:
Տեխնիկական չափանիշները
Անվանական արժեքը 10 000 դրամ
Մետաղը եւ հարգը ոսկի, 9000
Տրամագիծը 22,0 մմ
Քաշը 8,6 գ
Որակը պրուֆ
Դրամաշուրթը ատամնավոր
Տպաքանակը 500 հատ
Էսքիզների հեղինակներ` Հարություն Սամուելյան (դիմերես),
Էդուարդ Կուրղինյան (դարձերես): Հուշադրամը հատվել է Լիտվայի դրամահատարանում:
«ՀՈՎՀԱՆՆԵՍ ՇԻՐԱԶ-100»
«ՈՍԿԱՆ ԵՐԵՎԱՆՑԻ-400» ՀՈՒՇԱԴՐԱՄ
Հայաստանի Հանրապետության կենտրոնական բանկը թողարկել է Ոսկան Երեւանցու ծննդյան 400-ամյակին նվիրված հուշադրամ:
Հուշադրամի դիմերեսին պատկերված են «Շարակնոցից» մի էջ եւ հայերեն լեզվով առաջին «Աստվածաշունչը» արծաթյա կազմով: «Աստվածաշնչից» վերեւ` թողարկման տարեթիվն է՝ «2014»: Ներքեւում՝ անվանական արժեքն է` «1000 ԴՐԱՄ», իսկ շրջագծով՝ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ» մակագրությունը:
Հուշադրամի դարձերեսի ձախ մասում պատկերված է Ոսկան Երեւանցին` Երվանդ Քոչարի գրաֆիկական աշխատանքը, իսկ աջում` «ՈՍԿԱՆ ԵՐԵՎԱՆՑԻ 400 ամյակ» եւ «VOSKAN YEREVANTSI» մակագրությունները:
Տեխնիկական չափանիշները
Անվանական արժեքը 1000 դրամ
Մետաղը եւ հարգը արծաթ, 9250
Տրամագիծը 40,0 մմ
Քաշը 33,6 գ
Որակը պրուֆ
Դրամաշուրթը ատամնավոր
Տպաքանակը 500 հատ
Էսքիզների հեղինակ` Վարդան Վարդանյան:
Հատվել է Լիտվայի դրամահատարանում:
«ՈՍԿԱՆ ԵՐԵՎԱՆՑԻ-400»
«ԷԴՈՒԱՐԴ ԻՍԱԲԵԿՅԱՆ-100» ՀՈՒՇԱԴՐԱՄ
Հայաստանի Հանրապետության կենտրոնական բանկը թողարկել է Էդուարդ Իսաբեկյանի ծննդյան 100-ամյակին նվիրված հուշադրամ:
Հուշադրամի դիմերեսին պատկերված է «Պատանի Դավիթը» կտավից դրվագ, ներքեւում՝ անվանական արժեքն է` «100 ԴՐԱՄ», իսկ աջ եզրագծով՝ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ 2014» մակագրությունը:
Հուշադրամի դարձերեսին պատկերված է Էդուարդ Իսաբեկյանի ինքնադիմանկարը, ներկապնակի ներկեր, իսկ ներքեւում՝ «Eduard Isabekyan», «1914-2007 Էդուարդ Իսաբեկյան» մակագրություններն են:
Տեխնիկական չափանիշները
Անվանական արժեքը 100 դրամ
Մետաղը եւ հարգը արծաթ, 9250
Քաշը 28,28 գ
Չափը 28,0x40,0 մմ
Որակը լավացված
Դրամաշուրթը հարթ
Տպաքանակը 500 հատ
Էսքիզների հեղինակ` Հարություն Սամուելյան:
Հուշադրամը հատվել է Լիտվայի դրամահատարանում:
