նախընտրելի դարձնելԼատվիացի հանրաճանաչ կոմպոզիտոր Ռայմոնդ Պաուլսը ցավակցական նամակ է հղել Կոնստանտին Օրբելյանի մահվան կապակցությամբ: Այդ մասին հայտնում են,Հայաստանում Լատվիայի Հանրապետության Պատվավոր հյուպատոսի գրասենյակից:
Նամակում, մասնավորապես, ասվում է.
«Խոր ցավով տեղեկացա Կոնստանտին Օրբելյանի մահվան մասին: Կորուստը մեծ է ողջ երաժշտական աշխարհի համար: Ի դեմս Օրբելյանի ես կորցրեցի իմ վաղեմի ընկերոջը, իսկ հայ ժողովուրդը, ինչպես նաեւ ողջ երաժշտասեր հասարակությունը` փայլուն երգերի հեղինակի եւ հրաշալի նվագախմբի անզուգական ղեկավարի:
Իմ խորին ցավակցություններն եմ հայտնում Կոնստանտին Օրբելյանի հարազատներին, ինչպես նաեւ ողջ հայ ժողովրդին այս անդառնալի կորստի կապակցությամբ»:
Նշենք, որ կոմպոզիտոր, դիրիժոր, երաժշտագետ Կոնստանտին Օրբելյանը մահացել է ապրիլի 24-ին Լոս Անջելեսում 85 տարեկան հասակում: Ստեղծվել է թաղման կառավարական հանձնաժողով:
