նախընտրելի դարձնելՃապոնիայում պաշտոնյաները հինգշաբթի օրվանից կարճաթեւ վերնաշապիկներով, առանց կոստյումի եւ փողկապի աշխատանքի ներկայանալու հնարավորություն են ստացել: Հագուստի ազատ ոճի ներդրրման «cool biz» համազգային քարոզչական ակցիան երկրում անցկացվում է արդեն տասներորդ անգամ:
Այն սկսվել էր 2005թ.-ից եւ նպատակ ունի պայքարել «ջերմոցային էֆեկտի դեմ»՝ հագուստի առավել թեթեւ տեսակի հաշվին:
Սագա Պրեֆեկտուրայի իշխանությունները թույլատրել են մայիսի 1-ից աշխատանքի գալ բոկոտիկներով, գունավոր վերնաշապիկներով, անգամ ծնկներից ներքեւ հասնող կարճ տաբատներով:
Ճապոնական ընկերություններն ու պետհաստատությունները գրասենյակային աշխատողի խիստ «դրես կոդ» են պահում: Ուշադրություն գրավող կամ անլուրջ հագուստով աշխատանքի ներկայանալը կարող է լուրջ հետեւանքներ ունենալ: Սա վերաբերում է նաեւ սանրվածքին, մազերի գույնին կամ բեղ-մորուս պահելուն:
Սովորաբար ոչ ստանդարտ արտաքինով ճապոնացիները ստեղծագործական մասնագիտության տեր են կամ այնքան բարձր դիրք ունեն, որ կարող են նման կամայականություն թույլ տալ:
